?> تعالي يابعد حيي [الأرشيف] - مجالس الفرده
المساعد الشخصي الرقمي

مشاهدة النسخة كاملة : تعالي يابعد حيي

منصور الوسوس
24-12-09, 01:10 AM
تعالي يابعد حيي جفا هالوقت مليته=تعالي واملكي قلبي خوذيني نقوة أحبابك

تعالي واجبري كسري زمان ٍ فات داريته=تعالي دام لك رغبة وقفت اليوم في بابك

أهني بك أهل حائل وحتى البيت هنيته= ياحظ الدار في شوفك ياحظ اهلك مع اصحابك

أهني بك سحاب ٍ مر من فوقك وراعيته=وأهني بك جبال الطيّ وأهني بالخطا ترابك

ترى كل شي في حائل علشانك أنا اغليته = أحب الدار والديرة وأحب الناس وأقرابك

ولو جيت الصدق وأصدق ترى قربك تمنيته=ولابه شي أبد فيني يقاوم نظرت أهدابك

ترى مافيني أتحمل وجمر الشوق شبيته=تعالي نضوي الشمعه كرهت الكون بغيابك

وإذا مالك أبد فيني هذا قبري وسويته= أموت اليوم من شانك قتيل ٍ مات بأسابك

وأشوف الموت لي رحمه على عالم تحديته= ولا اشوفك معا غيري يعيش الحب يهنابك

هذا قلبي فدا عينيك تعالي واسكني بيته =تعالي دام لك رغبه صدوق ٍ ما أتسلابك

تعالي يابعد حيه تعالي يابعد ميته=تعالي واملكي قلبي خوذيني صفوة أحبابك








محمد الفريدي
حائل 1430
f15
24-12-09, 04:43 AM
صح السان ناقلها وقايلها
ابوسعود
24-12-09, 09:07 AM
صح لسان الشاعر محمد الفريدي

وشكرا لك يا منصور الوسوس على النقل الجميل
علي الجضعان
24-12-09, 12:33 PM
محمد الفريدي هذا الشاعر يعجبني شعره كثيراً

ويكفيني فيه فخر أسمه الفريدي حي والله هالراسل

اللي يفتخر بقبيلته وننتظر منه المزيد
منصور الوسوس
24-12-09, 03:01 PM
عبدالله

ابو سعود

علي الجضعان

اسعدني مروركم الراقي

دمتم بخير وعافية
القسومي
24-12-09, 09:18 PM
صح لسانك
وسلكت يمينك يا راع الطيب
ابـن مـطـيـع
25-12-09, 02:15 AM
مشكووووووووور يامنصوووووووووووور
تسلم يمينك على الأختيار. و درر الثمينه والرائعه
وأشوف الموت لي رحمه على عالم تحديتـه
ولا اشوفك معا غيري يعيش الحب يهنابـك
ناصر بن راكب
25-12-09, 08:58 PM
صح لسان الشاعر حمد الفريدي

وسلمت يمينك يابو محمد