?> >> الحب شايب والفراق ابنـه العـاق << [الأرشيف] - مجالس الفرده

المساعد الشخصي الرقمي

مشاهدة النسخة كاملة : >> الحب شايب والفراق ابنـه العـاق <<


ابن منيديل
29-05-07, 05:58 PM
قصيدة جديدة للشاعر / سلطان بن بندر بن بتلاء





الحب شايب والفراق ابنـه العـاق = والوصل غايه والقصايـد وسيلـه
اثر المفارق لـه علاقـه بالاخـلاق = ويقصر طويلة صدر راعي الطويله
مافيه اشرّ من الهواوي ليا ضـاق = من ضيقته حتى البزر يشتكـي لـه
ياللي غضبت وكانت حلولك فـراق = الغيـض ولعـه والمجـادل فتيلـه
ابليـس للفتنـه وللشـر سـبّـاق = يجيك في صـورة رذيـل ورذيلـه
العين مايغـدي بهـا كـل بـرّاق = والاذن ماكـل الحكـي ترتخيـلـه
راعي الكلام يزّود الطـاق بالطـاق = يحكي بشخص وياصله ويحكي لـه
خص ٍ ليا كان الحكي بيـن عشّـاق = ماله سوا: مالـك دخـل والفشيلـه
لو شفت وش قيمة غرامك بالاعماق = ماطعت لـو لامـوك فينـي قبيلـه
ماهو تضيّق صدرك وتركز السـاق = كنّي كفـرت وقاتـل ٍ لـي قتيلـه
ياللي خدودك قطنه وعودك دقـاق = والوجـه ياحلـوه وياحبنـي لـه
عليـك ماظنـي بتحـتـار الاذواق = الا اليـا كانـه هبيـل او هبيـلـه
صغيّر ٍ وتشيـل حمـل ٍ ماينطـاق = وشلون عافـرت الحمـول الثقيلـه
وانا احسبنك طيّـب وقلبـك رقـاق = يامدرّس فنـون القسـاوه لجيلـه
رح والشقا على الهواجس والاوراق = ياللي عقب فرقـاه شوقـه بديلـه
اشتاق وادري مانت راجع لو اشتاق = مير العـوض بالذكريـات الجميلـه

ذيبان
29-05-07, 07:28 PM
ياللي خدودك قطنه وعودك =دقـاقوالوجـه ياحلـوه وياحبنـي لـه

قصيده رائعه 000 أحسنت الاختيار يا ولد ابوي

ابن منيديل
29-05-07, 07:38 PM
اخوي ذيبان


شرفت موضوعي بطلتك الجميلة والله لايهينك

منصور الوسوس
29-05-07, 11:39 PM
مافيه اشرّ من الهواوي ليا ضـاق 0000من ضيقته حتى البزر يشتكي لـه


صح لسان ابن بتلاء


ودمت لنا ذخرا وفخرا يبن منيديل



مشكور يبن العم

ابن منيديل
29-05-07, 11:51 PM
اخوي منصور


شكرا لمرورك الكريم اللذي شرفني واسعدني

وهذا هو مطلبي ان تنال جميع مواضيعي على اعجابكم





ولي الفخر بكم

متعب بن نومان
30-05-07, 04:15 PM
ماهو تضيّق صدرك وتركز السـاق كنّـي كفـرت وقاتـل ٍ لـي قتيلـه



صح السانه مليون

وصح اختيارك ابن منيديل ولاهنت


مبدع بأنتقاء المواضيع


الـــــــــــــــــــى الأمام

ابن منيديل
30-05-07, 04:42 PM
بقايا انسان


الإبداع هو مرورك على كل مواضيعي دومآ

وتعطير مواضيعي بإجمل العطور بطلتك الجميلة


لاعدمتك

مشعل الجضعان
01-06-07, 09:48 PM
صح لسان بن بتلاء



وشكرا يابن منيديل