علي الجضعان
18-11-09, 12:13 PM
رد الشاعر / على بن محمد بن موسى الحمود
على
قصيدة الشاعر / عبدالله بن سمير العوماء الفريدي
الملقب بـ (الجديـــد )
يامرحبا وعداد ماينبت القاع = وعداد من بالبيت طايف وساعي
باللي له القيفان يمشن خضاع = إليا نوى له قاف جنه إسراعي
مهوب مثلي لابغا القاف ماطاع = يضحك عليٌ عند الكتابه يراعي
ذاك الجديد اللي للأصحاب فزاع = ذكره مع الأجواد بالطيب شاعي
من لابه فعله تردد بالأسماع = فعل يخلي ميت القلب ياعي
حرب لها في موقف العز ميقاع = للدين وسلوم القبايل تراعي
يامرحبا به عد ماهب ذعذاع = وعداد من وجه إلي الله داعي
لا يابو فايز صار بالقلب رماع = ذكرتنا مشي الفضا والوساعي
وشوف الخضار اللي به الصيد رتاع = مايذره راع الشياه الجياعي
أرضٍ قفر تلقى الحبارى به انواع = وأرضٍ قصص سيحانها والتلاعي
وياما حلا قص الأثاري على أسناع = وتطليعه القرناس بأرضٍ رفاعي
ثم استذار اللي من القص ملتاع = وكفخ وعلق ناويٍ(ن) بإرتفاعي
وتل السبوق اللي على الصيد بتاع = وكل توقف في محله إيراعي
الأشقر اللي للمهاريب لواع = صيروم ماتخشى عليه الضياعي
رده وحول به من الجو للقاع = وزادت وناسة طيبين المساعي
وحل المضحى والسعد بيننا شاع = في وسط روض للنواظر متاعي
عشبه مع النسنوس جاله تمرياع = ريح النفل والشيح بالجو ثاعي
إبخوت رجال بالمكارم لهم باع = نجم السها وعبيد واف الذراعي
الكل منهم يجعل القاف مطواع = إليا سمعت اليبت زدت استماعي
وباق الربوع اللي على البال كل ساع = عندي غلاهم بالذهب مايباعي
هذي حلاة البر مشتا ومرباع = وهد الحرار اللي بها الفكر ضاعي
ولاعاش من هو للدنانير جماع = يجمع وغيره يسبر الجمع واعي
الشاعر / على بن محمد بن موسى الحمود
على
قصيدة الشاعر / عبدالله بن سمير العوماء الفريدي
الملقب بـ (الجديـــد )
يامرحبا وعداد ماينبت القاع = وعداد من بالبيت طايف وساعي
باللي له القيفان يمشن خضاع = إليا نوى له قاف جنه إسراعي
مهوب مثلي لابغا القاف ماطاع = يضحك عليٌ عند الكتابه يراعي
ذاك الجديد اللي للأصحاب فزاع = ذكره مع الأجواد بالطيب شاعي
من لابه فعله تردد بالأسماع = فعل يخلي ميت القلب ياعي
حرب لها في موقف العز ميقاع = للدين وسلوم القبايل تراعي
يامرحبا به عد ماهب ذعذاع = وعداد من وجه إلي الله داعي
لا يابو فايز صار بالقلب رماع = ذكرتنا مشي الفضا والوساعي
وشوف الخضار اللي به الصيد رتاع = مايذره راع الشياه الجياعي
أرضٍ قفر تلقى الحبارى به انواع = وأرضٍ قصص سيحانها والتلاعي
وياما حلا قص الأثاري على أسناع = وتطليعه القرناس بأرضٍ رفاعي
ثم استذار اللي من القص ملتاع = وكفخ وعلق ناويٍ(ن) بإرتفاعي
وتل السبوق اللي على الصيد بتاع = وكل توقف في محله إيراعي
الأشقر اللي للمهاريب لواع = صيروم ماتخشى عليه الضياعي
رده وحول به من الجو للقاع = وزادت وناسة طيبين المساعي
وحل المضحى والسعد بيننا شاع = في وسط روض للنواظر متاعي
عشبه مع النسنوس جاله تمرياع = ريح النفل والشيح بالجو ثاعي
إبخوت رجال بالمكارم لهم باع = نجم السها وعبيد واف الذراعي
الكل منهم يجعل القاف مطواع = إليا سمعت اليبت زدت استماعي
وباق الربوع اللي على البال كل ساع = عندي غلاهم بالذهب مايباعي
هذي حلاة البر مشتا ومرباع = وهد الحرار اللي بها الفكر ضاعي
ولاعاش من هو للدنانير جماع = يجمع وغيره يسبر الجمع واعي
الشاعر / على بن محمد بن موسى الحمود