رحلة البر مع خوة النشاما والطير جراح [الأرشيف]

مشاهدة النسخة كاملة : رحلة البر مع خوة النشاما والطير جراح

ابو خالد الحربي

25-10-09, 10:03 PM

الشاعر مرزوق بن مضحي الفريدي

عسى الديار اللي شمال عن السيح = تمطر مزونه والمحاجر ملايا
سج القدم ما بين فياض وصحاصيح = بأرض قفر ما دوجتبه رعايا
منبوتها الرقروق مع شجرة الشيح = وشفت القطا مع الحباري سرايا
يرتاح بالي يوم أنط اللحاليح = شوف النفود وافراق نور القرايا
خوة رجالٍ بالمراجل طحاطيح = وشب ناري والدلال الملايا
تجمعهم الخوة على هبة الريح = وسوالف ماظن فيها خطايا
أبعد عن اللي يلعبون المسابيح = شذابه العرقوب بجمع الحكايا
خل الردي علّه على وجه يطيح = يطيح على وجه خبيث السجايا
وفكرت بالمرواح مع هبة الريح = قبل الغروب وقبل شهر الضحايا
قبل الفجر مجهزٍ للمساريح = بين النفود وبين ذيك الحوايا
سمعتلي قناص لطيوره يصيح = يم الشعيب اللي علوه ركايا
وتل السبق جراح وخل الملاويح = حول عليها في فروع الشغايا
ضرب بمخلابه ودمانها تسيح = خل الثنادي بالمخالب فرايا
طلعت سكيني بوسط المفاتيح = واقطع نسور الطير وشلت البقايا
وعودت أنا وجراح مرتاح ومريح = طير الشيوخ مقدمين الهدايا
عطيت دربٍ مع جبال وصلافيح = خطٍ اعرفه فيه كل المزايا
ماياصله ياكود بعيد المشاويح = اللي مع الطرقه يسوق المطايا
تم الجواب اللي كتبته بتسريح = على رسول الحق خير البرايا

ابـن مـطـيـع

25-10-09, 10:31 PM

صح السان الشاعر ابو عماد
وصح بدنك على النقل الجميل تقبل
شكري لك على القصيده الجميله
أتمنى نقلها الى مجلس الشعر الخاص في القبيله

ابو خالد الحربي

25-10-09, 10:34 PM

صح بدنك والله يسلمك

منصور الوسوس

25-10-09, 10:52 PM

الفاضل / ابو خالد الحربي

ابيات رائعة جدا واختيار جميل للغاية

شكرا لك على هذا النقل البديع والحضور الراقي

وصح لسان الشاعر مرزوق بن مضحي الفريدي

تقبل اجمل تحية لشخصك الكريم

تم النقل لمجلس الشعر الخاص حيث مكانها الصحيح

ابو خالد الحربي

25-10-09, 10:59 PM

صح بدنك ومشكور وماقصرت يامنصور الوسوس

علي الجضعان

25-10-09, 11:06 PM

قصيده رائعه تسلم على النقل الجميل الموفق فعلا

وصح لسان الشاعر / مرزوق الفريدي

وننتظر منك المزيد وياهلا

ذيبان

26-10-09, 01:49 AM

صح لسان الشاعر الكبير مرزوق المعاز

الف تحية لابو خالد الحربي على النقل الهادف

بدران

26-10-09, 03:45 AM

ابو خالد بيض الله وجهك ياكحيلان وعزالله انها قصيده ووفي وقتها اشوى انها ماجت بالصيف والا باوله والا كان صارت علووم..
وصح لسان الشاعر مرزوق بن مضحى وعزالله انه شاعر جزل وبيوت جزله مابها كلام..

وكان تقدر على الشاعر لا يخلينا من غيرها ترى هذا وقتها جعلك تسلم وشاعرنا يسلم..

بدران 7/11/1430هــ 44*3صــــ