?> يافرحة الصقآر بقفاية الصيف [الأرشيف] - مجالس الفرده
المساعد الشخصي الرقمي

مشاهدة النسخة كاملة : يافرحة الصقآر بقفاية الصيف

f15
26-09-09, 01:21 AM
السلام عليكم ورحمه الله وبركاته
اليكم هذه الابيات عسى تنال استحسانكم



http://lenovo.jeeran.com/%D8%B5%D9%82%D8%B1.jpg


يافرحة الصقآر بقفاية الصيف
ونقل الحرار اللي ينومس هددها
هب البراد وقآلو سهيل قد شييف
واهل الولع قأمت تجمع عددها
يبون مقنآصٍ بعيدٍ عن السيف
صقارةٍ كلنٍ اطيوره جردها
ربعٍ قروم ولا تحسب التكاليف
مستانسين أناسةٍ مابعدها
يآزين شبت نارهم والسواليف
والبعد عن روتينها مع نكدها
وأول بكور الوسم جاله ترأفيف
ماينفصل براقها من رعدها
هبت له الشرقي بليا عواصيف
والارض من ربي لفاها سعدهآ
من الساحل الغربي إلى حرة طريف
ومن الجنوب إلى النفود وقعدهآ
سيله مع الوديان جايله وحيف
دارٍ يمسيها ودارٍ يهجدها
ونهار تاسع شوفته بالتواصيف
غطى الجبال بخضرته مع لهدها
وتبدلت عقب الدهر كلها ريف
وزانت مماشيها على من قصدها
هذي طرات العمر مشيٍ على الكيف
إلا المعاصي لاتجي في نصدها
وليا حفظت الدين مابك تخاليف
تالي حياتك جثةٍ في لحدها



وسلامتكم
طلال الحمـاد
26-09-09, 02:15 AM
صح لسان الشاعر

ونقل رائع

مشكورر
f15
26-09-09, 05:26 AM
مرور اروع الف شكر المرورك
ابـن مـطـيـع
30-09-09, 09:57 AM
قصيده جميله
تقبل شكري وحترامي لشحصكم الكريم
منصور الوسوس
03-10-09, 10:07 PM
شكرا لك f15

قصيدة رائعة جدا

صح لسان الشاعر وسلمت على هذا النقل

اتمنى ان يتم البحث عن قائل القصيدة

وهذا الامر مهم جدا حفظا لحقوق الشاعر
f15
04-10-09, 12:00 AM
شكرا لك f15

قصيدة رائعة جدا

صح لسان الشاعر وسلمت على هذا النقل

اتمنى ان يتم البحث عن قائل القصيدة

وهذا الامر مهم جدا حفظا لحقوق الشاعر


ان شاء الله لاكن بعض الاحيان تصير منقول
من موقع ناقلها

ويصعب عليك معرفة القايل

الف شكر المرورك
مرسى السفينة
04-10-09, 09:07 AM
شكرن لك اي على النقل الجميل