?> كل ماقلت إستخارت وطاب الفال . . تضيق الدروب اللي وساع مداخلها [الأرشيف] - مجالس الفرده
المساعد الشخصي الرقمي

مشاهدة النسخة كاملة : كل ماقلت إستخارت وطاب الفال . . تضيق الدروب اللي وساع مداخلها

متعب بن نومان
04-09-09, 05:28 AM
بسم الله الرحمن الرحيم


قصيده لـ الشاعر / نواف بن هلال الفريدي



كل ماقلت إستخارت وطاب الفال=تضيق الدروب اللي وساع مداخلها
انا العام اصيح من العنا والأمل مازال=والحين انا ابي العافيه وين احصلها
قالوا ظروف الوقت ماتخلف الرجال=ولاتخلف اهل المرجله عن مراجلها
وانا اقول ياللي قلت ماقلت للي قال ؟=لاصرت بمكاني ياقليل العنا قلها !!
اذا شلت شي شاله القلب ماينشال=مع اللي ماقدرت تشيل ماشلتها شلها
ان ضقت منها طق راسك بعرض الجال ؟=نتيجة غلطك الله يعينك تحملها!
انا كنت متوهقبها قبل احط عقال=والحين متوكل على الله وعاقلها
ادور على حيلي علومن تسر البال=واداري بداية ضحكتي لين اكملها



وسلامتكم
نواف بن هلال
04-09-09, 07:16 AM
ماقول الا الله يغفر ذنبك ويعطيك العافيه ....... ذكرتني في عمر المراهقه
عبد الله زمل
04-09-09, 01:05 PM
ادور على حيلي علومـن تسـر البـال=واداري بدايـة ضحكتـي ليـن اكملهـا
صح لسانك واعتلا شانك
قصيدة جزلة من شاعر جزل
سلمت يداك يابن نومان على نقلك الرائع
ابـن مـطـيـع
04-09-09, 05:38 PM
صح السان الشاعر وسلمت يمناك على النقل الجميل
علي الجضعان
05-09-09, 01:43 AM
ياسلام هذا الأبداع والشعر الذي يجعل المتذوق يعيد القراءه مرات

تسلم اخوي متعب على النقل وصح لسان شاعرنا /نواف بن هلال

ولاتحرمنا من أبداعات هذا الشاعر وياهلابكم
متعب بن نومان
05-09-09, 02:05 PM
ماقول الا الله يغفر ذنبك ويعطيك العافيه ....... ذكرتني في عمر المراهقه


اقعد يالشايب !!


اللهم آمين ويعافيك البارئ


صج السانك وافي يابو وافي وجزل
متعب بن نومان
05-09-09, 02:06 PM
الله يسلمك عبدالله

صح بدنك والسان الشاعر لاهنت
متعب بن نومان
05-09-09, 02:07 PM
يامرحبا ابن مطيع هلا هلا ومسهلا
متعب بن نومان
05-09-09, 02:08 PM
الاجمل مرورك ابو عمر

صح السانه وصح بدنك


لاهنت