?> قصيدة بعنوان وقفة رجل .. للشاعر بجاد حريميل المربوث [الأرشيف] - مجالس الفرده
المساعد الشخصي الرقمي

مشاهدة النسخة كاملة : قصيدة بعنوان وقفة رجل .. للشاعر بجاد حريميل المربوث

ابن راشد
19-08-09, 11:56 PM
[size=5]قصيدة جديدة للشاعر العذب بجاد حريمل المربوث يمدح ويثنى على ممدوحه والذي يستحق الثناء محمد بن مهل الفريدي .. وقد سمعتها من الأخ والزميل تركي بن محمد الحمدي الفريدي وأحببت أن أنقلها لأعضاء منتدى الفردة ..










اليا احتمى الموقف له أرجال وقفات = منصى وذخرن فالمور الثقيله
مثل الجبال النايفة للمهمات = يلقون لاكبرت لها من وسيله
وأنا زبنت أمحقق المستحيلات = حلالها لو أنها مستحيله
شرواك يا محمد زبون الونيات = إن كان جاب الوقت طيحة وميله
تضرب على الكايد أبليا مروات = بالطيب ولافوق قب الأصيله
والطيب وهبه من بديع السموات = ما يستوي ما بين يوم (ن) وليله
ولا انت ممن يشتهونه أشهوات = أمدسمن شاربك بنه وهيله
لك سيرتن يابن مهل كالجنيهات = مع الرجال أهل النفوس النبيله
حلون نباك وطيب قلبك من الذات = ومع العتامة لك أعلومن جميله
ريس وتفعل فعل تاج ومقصات = بالقدر وبحق الزميل لزميله
ويزهاك شعرن لك كتبته بالأبيات = حقك عليه يا مزبن دخيله
والختم جعل سنين عمرك طويلات = يا طيبن فعله اينومس قبيله
ابـن مـطـيـع
20-08-09, 12:08 AM
صـــــــح السان الشااااااعر ومشكووووووور على نقل القصيده تقبل
تحياتي
مسعود علي الحماد
20-08-09, 12:23 AM
صح لسان الشاعر / بجاد المربوث 0



وأعجبتني هذه الابيات الرائعة وخاصة ‘ قولة ريس وتفعل فعل تاج ومقصات 000000000"


# ما اسم جد الرجل الذي يستحق المدح 0



شكر لك ياابن راشد
راجح
20-08-09, 01:38 AM
يعطيك العافية اخوي على نقل هذه الابيات الرائعة
وصح السان الشاعر
علي الجضعان
20-08-09, 04:38 AM
تسلم على النقل وصح لسان بجاد حريمل ويستاهل الممدوح
عبد المحسن بن هديب
05-09-09, 02:09 AM
سلمـت يداك على نقل القصيدة


يابن راشد وابو عبد العزيز يستاهل اطيب القصيد واعذبه

تقبل مروري،،،،
متعب بن نومان
05-09-09, 02:04 PM
قصيده وافيه ورائعه



لاهنت ابن راشد على الانتقاء