?> واجــــر قـــلـبـــي [الأرشيف] - مجالس الفرده
المساعد الشخصي الرقمي

مشاهدة النسخة كاملة : واجــــر قـــلـبـــي

ولد الفردة
14-06-09, 01:30 PM
واجر قلبي جرة الفورد بثنين = عزمه ضْْعيف وزايدٍ بالحموله
على وليفٍ يقطع القلب بالعين = عيني تشوف وحلم عيني تطوله
ابو شفايف كنها بارقٍ شين = يحرق قشاش الارض بربع فصوله
يملك جبينٍ ماتطوله سلاطين= يصعب على عيال الدراهم وصوله
طلته وانا محمد صعوط المجانين= اقدح على العاقل وفزعه خبوله
لا والله الا راح عقلي مع الزين = دفعتله من دم قلبي عموله
يستاهل القلب الموحم على البين = مع عيني الي لاستهلت خجوله
يوم انكشف سري للأقصى والادنين = اقوم عن مجلس وجيهٍ عذوله
وانسى مع العود المولف بوزنين = واجاوب المرواس واربع طبوله
طالبك لاتسرق حلال المساكين = قلبي حلالي فيك ضاعت حلوله




كلمات : مــحــمــد بــن حــمــاد الــفــريــدي "ابــو شــجــون"
f15
14-06-09, 05:24 PM
صح السانك قصيدة رااااااااااااااااااااائعة
طلال الحمـاد
14-06-09, 10:28 PM
صح لسان الشاعر..مشكور على النقل
أبو وسيم
15-06-09, 10:45 AM
صح لسان الشاعر محمد بن حماد الفريدي

قصيدة رائعة من شاعر اروع

ولك تحياتي
علي زيد الفريدي
22-06-09, 06:30 PM
ولد الفرده صح لسانك قصيده رائعه من شاعر رئع محمد بن حماد شاعر معروف