?> كريم يابـرق سـرى تالـي الليـل [الأرشيف] - مجالس الفرده
المساعد الشخصي الرقمي

مشاهدة النسخة كاملة : كريم يابـرق سـرى تالـي الليـل

f15
29-05-09, 02:17 PM
http://pr.sv.net/aw/2008/AW%20August%202008%20E-Version/AW%20August%20Arabic/images/Station3_Aug.gif


كريم يابـرق سـرى تالـي الليـل
عيني علـى دار القرايـب تخيلـه
ياحمود بشرني عسى جاكـم السيـل
واد الخنـق لعـل يمشـي مسيلـه
من مزنـة هلـة مطرهـا هماليـل
يـرزم رعدهـابالمـزون الثقيـلـه
تنساق من شرق الفرايد الى وفيـل
وتضفي على ذيك الديـار الجميلـه
ويكثر بها نبت الخزامـا والاكحيـل
وكلا علـى كيفـه يمشـي رحيلـه
نبغـا لنـا سجـه بذيـك الغراميـل
سجة قنص تشفى الكبـود العليلـه
بارض خلا لصيـد فيهـا مداهيـل
يا حمـود فيهـا مـا نـدور دليلـه
ياحمـود جهزعفشنـا والدرابـيـل
صبري قضى مالي على الصبر حيله
وازهم لنا صالح ولد ذابـح الحيـل
ياحمـود تكفـى لاتــدور بديـلـه
عندي لكم بالقلـب تقديـر بالحيـل
انته وصالح غيركـم مشتقـي لـه
فيكم وصايف من وصوف الرياجيـل
وانتم وانـا طـرد الولـع نشتقيلـه
يازين صوت امعجـلات المراسيـل
لا فز مجنون العـدن مـن خميلـه
وتخاطفنـه بالسهـوم المشاعـيـل
يبغا الهروب وطـاح مالـه وسيلـه
وصدنـا وقيلنـا بذيـك المقأيـيـل
وقمنا وسوينا علـى الصيـد قيلـه
والظهر حضرنا الحطب والمعاميـل
بارض خلا في ظـل سمـرا ظليلـه
والدعب غادي قدمنـا كنـه النيـل
خضار عشبـه شابـك تقـل نيلـه
ومـن بينـا دارة علـوم وفناجيـل
سوالـف قلبـي تـبـرد غليـلـه
والعصـر عدينـا وشفنـا جهاجيـل
جيلان مـن طيـر الحبـارا مهيلـه
وتـدارج مابيـن حيـد ومساهيـل
عصريـت صرنـا عليهـا حفيـلـه
قام الكلاش أيرتل الصـوت ترتيـل
وليـا وقـف هـذا تحـرك زميلـه
ريش الحبارا طار مثـل السماليـل
من ضربهن والريح قامـت تشيلـه
وطاح العشـاء ياطيبيـن الدواليـل
بارض خلا مابه من النشـر زيلـه
من راس ابو قيعان ياحمود وانميـل
صوب العويجـا والسليـم ودحيلـه
هـذا منأيـه لومابـه محاصـيـل
طرد الولع ياحمـود ماهـو فشيلـه





لشاعر فواز خلف العوفي
قرناس
29-05-09, 02:27 PM
صح لسان الشاعر

مشكور على

النقل
طلال الحمـاد
29-05-09, 02:41 PM
صح لسانه ..مشكور على النقل
f15
29-05-09, 03:30 PM
صح لسانه ..مشكور على النقل

اشكرمروووووووورك
f15
29-05-09, 05:56 PM
صح لسان الشاعر

مشكور على

النقل

اشكر مروووووووووورك
ابـن مـطـيـع
01-06-09, 01:26 AM
بيض الله وجهك عبد الله وصح السانك والسان العوفي ابداااااااااااااااااااااا ع
ناصر بن راكب
03-06-09, 11:45 PM
صح لسان الشاعر

ويعطيك العافيه أخي عبد الله على هذا الأختيار
نوااف االدغيشمي
04-06-09, 01:14 AM
أشكرك من صميم قلبي


على هذة القصيدة الجميله

الذي

قمت بتنزيلها








عبدالله انت صاحب



ذوق رفيع


ومن المتذوقين للشعر


إذا ما انت من من يكتبونه
f15
18-11-09, 07:38 PM
أشكرك من صميم قلبي


على هذة القصيدة الجميله

الذي

قمت بتنزيلها








عبدالله انت صاحب



ذوق رفيع


ومن المتذوقين للشعر


إذا ما انت من من يكتبونه
اشكرك على الاطراء والمرور
اخي نواف
f15
20-11-09, 10:42 PM
صح لسان الشاعر

ويعطيك العافيه أخي عبد الله على هذا الأختيار
اشكرلك مرورك اخي ناصر بن راكب