في ربوع الخفجي .... [الأرشيف]

خلف الفريد

23-05-09, 02:49 PM

بسم الله الرحمن الرحيم

ايها الاخوة الاكارم
السلام عليكم

مساء يوم الخميس الموافق 19/5/1430هـ وعلى اثر دعوة كريمه تشرفت بحضور الحفل الكبير
الذي اقامه في مدينة الخفجي الشيخ/ مبحل بن خليف بن دهيم العلوي الحربي على شرف
الشيخ / عبد الله بن ثلاب العلوي امير السيح التابعه لمحافظة النبهانيه بمنطقة القصيم بمناسبة
تعيين نجله الشيخ نايف رئيساً لمركز السيح ، وقد كانت امسية جميلة ممتعه حضرها اعيان من
حرب ومن قبائل الحفجي كما احياها مجموعة من الشعراء وعى رأسهم شاعري حرب الكبيرين
الصديقين الكريمين ، جوهر بن غالب العلوي وسعد بن خالد الصرم العلوي ، وقد شاركت في
هذه المناسبه بهذه الابيات الخفيفه ضمنتها مشاعري وذكرياتي هناك ....

وصلتني الدعوه من اغلى المقامات=ومناسبتها اكرام روس القبيله
والملتقى الخفجي وهالاسم بالذات=له موقعٍ بالقلب ماحدٍ يزيله
دار المحبه والكرم والمروات=ودار الوفاء والذكريات الجميله
دارٍ بها شمّ القبايل منارات=اهل النفايل والفعول الجليله
مناجم ابطالٍ وبالطيب سادات=زحول الرجال اهل الحمول الثقيله
وعن الاجابه مالنا اعذار هيهات=وحتى الاجابه نعتبرها قليله
مايردنا بعد السكن والمسافات=هو عذر لاقلنا المسافه طويله ؟؟
فرصة عمر من حظنا يوم هي جات=ومشاهدٍ يشف الكبود العليله
ويوم ان بعض الناس عند المهمات=ماتوصله رجليه راس الطويله
يقضي حياته كلها نوم واسكات =بين الدوام وبين حضن الحليله
ابو خلف له بالمواجيب قومات=حصان حرب اللي طويلٍ صهيله
له مع طريق المجد روحه وجيات=بعزم وصلابه والمكارم دليله
راعي دواوينٍ كبارٍ وسيعات=ومشرّعاتٍ كل يوم وليله
مدهل كبار القوم في كل الاوقات=وملجا غريب الدار عابر سبيله
ولا هو لضيفانه يقدّم بلامات=دوب الصيان البيض تشفي غليله
والليله الفرحه براهين واثبات=الطّيب غايه والكرم له وسيله
على شرف شيخٍ شبوحه بعيدات =سيفٍ لمع بين السيوف الصقيله
الشيخ بن ثلاّب نسل الزعامات=نايف ونايف نافلٍ كل جيله
من شاطي الخفجي ليا ضلع ابانات=ننثر له الباقات مثل الخميله
وهاذي مشاعر شاعرٍ صاغها ابيات=ممزوجةٍ بالهيل والجنزبيله
ان جمّلت ،توفيق رب السماوات=وان قصّرت ،جهد المحب وحصيله
وعدّ النجوم اللي حوتها المجرات=صلوا على المبعوث خير وفضيله

.....
وسلامتكم

ابـن مـطـيـع

23-05-09, 04:28 PM

بيض الله وجهك... والله انك ترفع الراس وفخر انا اشهد وتسلم يمناك على القصيدة
كفيت وفيت

طلال الحمـاد

23-05-09, 05:33 PM

صح لسانك وسلمت يمينك

ناصر بن راكب

23-05-09, 11:47 PM

ان جمّلت ،توفيق رب السمـاوات **وان قصّرت ،جهد المحب وحصيله

(( ان أصبت فمن الله وإن أخطأت فمن نفسي والشيطان ))

صح لسانك يابو عبد العزيز

ولا بالله جملت وابدعت يابو عبد العزيز

كفيت وفيت

خلف الفريد

25-05-09, 12:59 AM

ابن مطيع

طوع الله لك كل صعب واحياك على العز والطاعه
اشكرك من الاعماق على مشاعر الاخوه والمحبه وعلى ثقتك باخيك
لاعدمتك

خلف الفريد

25-05-09, 01:01 AM

وانت صح بدنك وسلمت لنا يابن حماد
لاهنت

خلف الفريد

25-05-09, 01:04 AM

الغالي اخي ناصر

كلماتك واقتباسك وتعليقك اضافات اثرت موضوعي وزادته جمالا
اشكرك على كل حرف وكلمه
وصح بدنك وسلمت لاخيك

الراسي

25-05-09, 01:44 PM

بسم الله الرحمن الرحيم

ايها الاخوة الاكارم
السلام عليكم

مساء يوم الخميس الموافق 19/5/1430هـ وعلى اثر دعوة كريمه تشرفت بحضور الحفل الكبير
الذي اقامه في مدينة الخفجي الشيخ/ مبحل بن خليف بن دهيم العلوي الحربي على شرف
الشيخ / عبد الله بن ثلاب العلوي امير السيح التابعه لمحافظة النبهانيه بمنطقة القصيم بمناسبة
تعيين نجله الشيخ نايف رئيساً لمركز السيح ، وقد كانت امسية جميلة ممتعه حضرها اعيان من
حرب ومن قبائل الحفجي كما احياها مجموعة من الشعراء وعى رأسهم شاعري حرب الكبيرين
الصديقين الكريمين ، جوهر بن غالب العلوي وسعد بن خالد الصرم العلوي ، وقد شاركت في
هذه المناسبه بهذه الابيات الخفيفه ضمنتها مشاعري وذكرياتي هناك ....

وصلتني الدعوه من اغلى المقامات=ومناسبتها اكرام روس القبيله
والملتقى الخفجي وهالاسم بالذات=له موقعٍ بالقلب ماحدٍ يزيله
دار المحبه والكرم والمروات=ودار الوفاء والذكريات الجميله
دارٍ بها شمّ القبايل منارات=اهل النفايل والفعول الجليله
مناجم ابطالٍ وبالطيب سادات=زحول الرجال اهل الحمول الثقيله
وعن الاجابه مالنا اعذار هيهات=وحتى الاجابه نعتبرها قليله
مايردنا بعد السكن والمسافات=هو عذر لاقلنا المسافه طويله ؟؟
فرصة عمر من حظنا يوم هي جات=ومشاهدٍ يشف الكبود العليله
ويوم ان بعض الناس عند المهمات=ماتوصله رجليه راس الطويله
يقضي حياته كلها نوم واسكات =بين الدوام وبين حضن الحليله
ابو خلف له بالمواجيب قومات=حصان حرب اللي طويلٍ صهيله
له مع طريق المجد روحه وجيات=بعزم وصلابه والمكارم دليله
راعي دواوينٍ كبارٍ وسيعات=ومشرّعاتٍ كل يوم وليله
مدهل كبار القوم في كل الاوقات=وملجا غريب الدار عابر سبيله
ولا هو لضيفانه يقدّم بلامات=دوب الصيان البيض تشفي غليله
والليله الفرحه براهين واثبات=الطّيب غايه والكرم له وسيله
على شرف شيخٍ شبوحه بعيدات =سيفٍ لمع بين السيوف الصقيله
الشيخ بن ثلاّب نسل الزعامات=نايف ونايف نافلٍ كل جيله
من شاطي الخفجي ليا ضلع ابانات=ننثر له الباقات مثل الخميله
وهاذي مشاعر شاعرٍ صاغها ابيات=ممزوجةٍ بالهيل والجنزبيله
ان جمّلت ،توفيق رب السماوات=وان قصّرت ،جهد المحب وحصيله
وعدّ النجوم اللي حوتها المجرات=صلوا على المبعوث خير وفضيله

.....
وسلامتكم

صح لسانك يابوعبدالعزيز

فرصة عمر من حظنا يوم هي جات=ومشاهدٍ يشف الكبود العليله

قصيده جزله من شاعر جزل

القسومي

25-05-09, 11:29 PM

ابا عبدالعزيز
بيض الله وجهك يا غالي

سبحان الله الابداع لا تلاحقه انت بذات ولكن الابداع هو الذي يبحث عنك

سلمت يمينك يا راعي الفزعات

ابوزياد

26-05-09, 12:04 AM

ان جمّلت ،توفيق رب السمـاوات
وان قصّرت ،جهد المحب وحصيله
وعدّ النجوم اللي حوتها المجـرات
صلوا على المبعوث خير وفضيلـه
======
مجمل ومكمل والكامل الله
وانت يابو عبدالعزيز ان قمت نعم المقام وان قلت اجزلت القول
صح لسانك ولاهنت
والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

خلف الفريد

26-05-09, 11:44 AM

اخي ابو زياد

وانت جمل الله حالك وبيض الله وجهك على هذه الكلمات الاخويه الصادقه
مرورك من خلال متصفحي عادة له مذاق خاص ونكهة متفرده
صح بدنك وسلمت لاخيك
ولازال لي رجاء بان تتحفنا بروائعك لانني لم اعهدك بخيلا وثق انني سوف استفزع
راع الخرج ونستخرج صك الزام عليك ... لانني واثق ان تلك الادراج تحوي كنوزا
ذهبيه ليست ككنوز "جزيرة الكنز"
تقبل تحيات محبك واصدق دعواته

عبودي الميسوي

26-05-09, 01:54 PM

تسلم والله يابن عمي

خلف الفريد

27-05-09, 12:15 AM

عبودي

الله يسلمك ويطول بعمرك يالذيب
لاهنت

نوااف االدغيشمي

27-05-09, 01:23 AM

بيض الله وجهك يابو عبدالعزيز

على هذة القصيدة الجميلة

الذي ترفع راس كل فريدي

وأشهد وبالله انك شاعر مميز

ومبدع بما تعنيه الكلمة

وانا من المعجبين في شعرك

وحضورك المسنمر

أبو عبدالعزيز سؤال ؟

سؤال؟

مافكرت مستقبلاً أصدار كتاب

في قصائدك الجميلة

الذي كثير مانسمع عنها

ولم نقراءها

تقبل تحياتي

ونشوفك على خير يابو عبدالعزيز

ودمت لنا بخير

مجرد انسان

27-05-09, 01:34 AM

صح لسانك يابو عبدالعزيز

خلف الفريد

27-05-09, 01:40 PM

اخي الحبيب

نواف الدغيشمي

في الحقيقة فخر لي ان اجد مثل هذه الكلمات الرائعه من رجل في مقام نواف ، كلمات تسري
مع الشرايين قبل شبكية العين ...
اشكرك اخي الحبيب على هذه الثقه الممزوجة بكل انواع الحب والصدق والوفاء
وما محاولاتنا هنا الا حب للمجالس والاسم الذي تحمله وللمخلصين لها من ابناء القبيله

اما بخصوص سؤالك الكريم
حتى الان اخي الفاضل لم افكر في ذلك لسببين :
الاول:ان وجودها هنا وتحت هذا الاسم القريب لروحي هو افضل نشر لها لانني اعتبرها ملك
لمجالس ربعي قبل ان تكون ملكي ...
الثاني: انني ارى محاولاتي- وانا الشاعر الهاوي وليس المحترف-لم تصل كماً وكيفاً الى
مستوى ان اجمعها في كتاب ...

اشكرك اخي الغالي على مرورك وشعورك
لاعدمتك

مجرد انسان

اشكرك اخي الكريم على جميل المرور وطيب الشعور
لاهنت