ابن منيديل
15-05-07, 07:14 PM
هذه الشاعره ونــــــــات تحن لماضيها ايام طلعات البر
اليكم القصيد :
عـزاه يـا وقــت(ن) مـضـى عـلـه يـعـود = يومه (ربيع ) ووقت (عطله) و (كشتـات)
يـوم اللـقـا مــا فـيـه عـيـب(ن) ومنـقـود = فيـه الـهـوا طـاهـر ونـابـع مــن الــذات
نـقـعـد ودوتـنــا بـهــا الـضــو مـوقــود = وريـح الحطـب ينثـر علـى الجـو نفحـات
وخـلــي يحاكـيـنـي وأحـاكـيـه بــحــدود = نحـكـي كــلام العـيـن للعـيـن ب سـكــات
نـشـرح هـمـوم البـعـد.. ونـجـدد عـهــود = ونرسـل شكـاوي الحـب بقصيـد وأبـيـات
ويقـول: ويـن فـلان؟! وآقــول: مـوجـود! = وكنه يقول : الحب ؟!.. وأقول : ما مات !
وهاذي عجـوز(ن) فاهمـه حـروف وردود = تكشـف (كـلام الحـب) لـو صـار نظـرات
ويقطـف مـن العيـدان عـود(ن) ورا عـود = ويكتب علـى القاعـه ( أحبـك يـا ونـات )
وأخـاف يفـهـم مــا كـتـب جــدي الـعـود = وأخــاف حـسـاد الـهـوا حـقــد ووشـــاة
متـعـود يـطـرش مـــع حـمــود وسـعــود = رسالـه .. وكنـدر .. وشانـي .. وكتـكـات
وآنـا أطرشلـه مــن ( عيـونـي الـسـود ) = أجمـل معانـي الـشـوق والبـعـد خـطـوات
واليـا أقبلـت ديمـة بهـا بــروق ورعــود = رديـت للديـرة مـعـي ( جـيـش عـبـرات )
وأبكي .. زمان(ن) فات .. يا عله يعـود؟! = يومه (ربيع ) ووقت (عطله) و (كشتـات
اليكم القصيد :
عـزاه يـا وقــت(ن) مـضـى عـلـه يـعـود = يومه (ربيع ) ووقت (عطله) و (كشتـات)
يـوم اللـقـا مــا فـيـه عـيـب(ن) ومنـقـود = فيـه الـهـوا طـاهـر ونـابـع مــن الــذات
نـقـعـد ودوتـنــا بـهــا الـضــو مـوقــود = وريـح الحطـب ينثـر علـى الجـو نفحـات
وخـلــي يحاكـيـنـي وأحـاكـيـه بــحــدود = نحـكـي كــلام العـيـن للعـيـن ب سـكــات
نـشـرح هـمـوم البـعـد.. ونـجـدد عـهــود = ونرسـل شكـاوي الحـب بقصيـد وأبـيـات
ويقـول: ويـن فـلان؟! وآقــول: مـوجـود! = وكنه يقول : الحب ؟!.. وأقول : ما مات !
وهاذي عجـوز(ن) فاهمـه حـروف وردود = تكشـف (كـلام الحـب) لـو صـار نظـرات
ويقطـف مـن العيـدان عـود(ن) ورا عـود = ويكتب علـى القاعـه ( أحبـك يـا ونـات )
وأخـاف يفـهـم مــا كـتـب جــدي الـعـود = وأخــاف حـسـاد الـهـوا حـقــد ووشـــاة
متـعـود يـطـرش مـــع حـمــود وسـعــود = رسالـه .. وكنـدر .. وشانـي .. وكتـكـات
وآنـا أطرشلـه مــن ( عيـونـي الـسـود ) = أجمـل معانـي الـشـوق والبـعـد خـطـوات
واليـا أقبلـت ديمـة بهـا بــروق ورعــود = رديـت للديـرة مـعـي ( جـيـش عـبـرات )
وأبكي .. زمان(ن) فات .. يا عله يعـود؟! = يومه (ربيع ) ووقت (عطله) و (كشتـات