سلسلة مكارم الاخلاق ( 2 ) [الأرشيف]

خلف الفريد

20-04-09, 03:05 PM

بسم الله الرحمن الرحيم
لاشك ان كل انسان له مباديء يسير عليها ويثبت على منهجها دافعه الى ذلك دينه واخلاقه
وهذه الصفات المحموده مطلب كبير لايتحقق الا بالعزيمه والثقة والاصرار ، وهذه الكلمات
حاولت ان اعبر فيها عما يختلج في صدور اصحاب الهمم .

((( الهمّة العاليه)))

اليا بغيت اقوم واسرجت خيلي=ما ارخي عنان الخيل حتى اتساوى
واليا عقدت العزم جوّدت شيلي=لاخير في كثر الحذر والمراوى
ولا احط عن سيف الشجاعه بديلي=لا قامت سباع الفيافي تعاوى
واليا ارتفع راسي رقيت الطويلي=ان عوّدت نظرات غيري تهاوى
واليا جهلت الدرب قلبي دليلي=ولا اخاوي الا طيّبين المخاوى
واللي لنفس الزوم يالله يشيلي=ماهو رفيقٍ لي صعيب المداوى
واليا جرحتني كلمةٍ من خليلي=ما اسوق رجلي لين روحي تشاوى
ومن عادتي رد الثنا والجميلي=واليا وصلني واجبي ما تزاوى
ولا ني من اللي يحملون النقيلي=اللي ضمايرهم خرابٍ تجاوى
والمجلس اللي فيه قايل وقيلي=سيلٍ محدّر ما يفيده محاوى
وترى كثير الهرج حطّاب ليلي=مع الحطب جاب الهوايش تلاوى

******
وسلامتكم

علي الجضعان

20-04-09, 07:51 PM

صح لسانك وتسلم على الابداع وننتظر رقم _3_

خلف الفريد

20-04-09, 07:55 PM

ابو عمر هلا هلا

نورت متصفحي لاهنت وصح بدنك ...
وابشر بكل خير
..............

منصور الوسوس

21-04-09, 12:52 PM

عندليب المجالس
خلف الفريد
اختيار رائع لسلسلة اكثر من رائعة
هذه المكارم الحكيمة من شاعر كبير مثلك
يحتاج لها المجتمع لكي يسموا بأخلاقه ويستفيد
من تلك الدروس الرائعة من الشعراء المبدعين امثالك
شكرا لك على الاختيار واثراء الموضوع الجميل
تقبل ازكى تحية لشخصك الكريم

ذيبان

21-04-09, 01:01 PM

استمر ,,, والله يرعاك

وصح مليون لسانك

سلسلة ارجو الله ان لايقطعها أحد

خلف الفريد

21-04-09, 04:58 PM

الغالي ابو محمد

تأبى الا ان تكون المحفز الاول لما نحاول ان نوصله لكم هنا ............
كلماتك زاد وشراب لمن يريد مواصلة رحلة تقديم الواجب لهذا الصرح الكبير .........
اشكرك على هذه الكلمات العذبه كعذوبة هماليل المزن ....
لاعدمتك
...........

خلف الفريد

21-04-09, 05:03 PM

ابو راكان الحبيب

صح بدنك مليار ...رعاك الله بكرمه
وان شاء لن تنقطع سلسلة انتم خير من يرعاها وافضل من رآها ...لان هدفها الفائده ........
كل ماهنا منكم ولكم ...
لاهنت
.......

سعد بن هذيل

21-04-09, 10:20 PM

السلام عليكم ورحمة الله وبركاته

ابو عبد العزيز صح الله لسانك وسلم بنانك

القد منا عليك في مجارات القصيده وتم نسخها بموضوع خاص بقسم الشعر الخاص

اسمحلي بالميانه؟؟؟؟؟؟؟؟؟؟

مجرد انسان

22-04-09, 12:39 AM

مشكور على هذا الحكم والنصائح

خلف الفريد

22-04-09, 11:05 AM

ابو فهد هلا مليون هلا

صح بدنك وسلمت لاخيك ....
وانت تمون على اخوك في كل شيء الا ما حرّم الله ، وكل شعر اخوك ملك يديك ...
مثل هذه -المونات - هو ما نبحث عنه حتى يشعر الشاعر انه قدم شيء يشد المتابع سواء كان
صاحب تخصص او متذوق للشعر ....
واشكرك على البادره والمبادره ....
لاعدمتك
........

خلف الفريد

22-04-09, 11:09 AM

مجرد انسان

اشكرك على جميل المرور وحسن الشعور ............
وحياك ربي وترى لك وحشه تبطي بعض الاحيان عنا ...
احييك مرة اخى واشكرك ....
......

ابوزياد

24-04-09, 02:54 AM

بسم الله الرحمن الرحيم
لاشك ان كل انسان له مباديء يسير عليها ويثبت على منهجها دافعه الى ذلك دينه واخلاقه
وهذه الصفات المحموده مطلب كبير لايتحقق الا بالعزيمه والثقة والاصرار ، وهذه الكلمات
حاولت ان اعبر فيها عما يختلج في صدور اصحاب الهمم .

((( الهمّة العاليه)))

اليا بغيت اقوم واسرجت خيلي=ما ارخي عنان الخيل حتى اتساوى
واليا عقدت العزم جوّدت شيلي=لاخير في كثر الحذر والمراوى
ولا احط عن سيف الشجاعه بديلي=لا قامت سباع الفيافي تعاوى
واليا ارتفع راسي رقيت الطويلي=ان عوّدت نظرات غيري تهاوى
واليا جهلت الدرب قلبي دليلي=ولا اخاوي الا طيّبين المخاوى
واللي لنفس الزوم يالله يشيلي=ماهو رفيقٍ لي صعيب المداوى
واليا جرحتني كلمةٍ من خليلي=ما اسوق رجلي لين روحي تشاوى
ومن عادتي رد الثنا والجميلي=واليا وصلني واجبي ما تزاوى
ولا ني من اللي يحملون النقيلي=اللي ضمايرهم خرابٍ تجاوى
والمجلس اللي فيه قايل وقيلي=سيلٍ محدّر ما يفيده محاوى
وترى كثير الهرج حطّاب ليلي=مع الحطب جاب الهوايش تلاوى

******
وسلامتكم

ابو عبدالعزيز صح لسانك مليون ولاعدمنا وجودك شائبنا وقدوتنا ونعم القدوه .
والكثير من القصائد تجد فيها بيت او بيتين مليانه والباقي ماعليك منه لكنني اقتبست القصيدة كاملة لكثافة الحكمة في كافة القصيدة وختمتها ببيت عن ألف بيت .
نشكرك على هذه السلسلة واتنمى ان نرى العدد من فئة صفرين

عبدالله بن غنام

25-04-09, 02:15 AM

رائعة أبو عبدالعزيز

قمة الروعة

صح لسانك

أجزلت وأبدعت

طلال الحمـاد

25-04-09, 12:15 PM

صح لسانك ..دائما تأتي بالجديد

قرناس

25-04-09, 11:13 PM

صح لسانك

على القصيده الرائعه

حويان بن مرزوق

26-04-09, 12:22 PM

صح لسانك يابوعبدالعزيز وعلا شانك

وما هذه الاعبارة عن سلسلة من الابداع والتميز

سيف الدغيشمي

26-04-09, 01:35 PM

صح لسانك يأبوعبدالعزيز قصيدة في قمة الابداع والتألق

محمد الدغيشمي

26-04-09, 02:57 PM

مشكور على هذا العقد الذهبي من الكلمات
فأنتَ تلوح في سماء الإبداع والتميز؛؛؛؛؛؛؛؛؛؛؛؛؛

ودمتم سالــــــــــــــــــــــ ــــــــــــــــمين####

تحياااااااااااااااااااااا اتي

خلف الفريد

30-04-09, 02:54 PM

ابو زياد الغالي

صح بدنك ولك جزيل الشكر على هذه الكلمات القلبيه الصادقه ....
ولا تحرمنا من ابداعك الشعري فلا زلنا ننتظر وانت صاحب الابداع والقدرات ...
لك مني الف قبلة على جبينك الكريم ...
لاعدمتك
...................

خلف الفريد

30-04-09, 02:57 PM

ابو عزام

وانت الاروع مروراً وشعوراً
صح بدنك وسلمت الانامل
برعاية الله
...........

خلف الفريد

30-04-09, 02:59 PM

الغاليين
طلال الحماد
قرناس

صحت ابدانكما وسلمت ايديكما
اشكركما على حسن الثقه
...........

خلف الفريد

30-04-09, 03:01 PM

حييت ابا فيصل

اشكرك على اضاءة متصفحي وتعطير مشاركتي .....
ابداع في المرور والشعور
لاهنت
..............

خلف الفريد

30-04-09, 03:04 PM

الفاضلين

سيف الدغيشمي
محمد الدغيشمي

صحت ابدانكما واشكركما على هذه العبارات الاكثر من رائعه ....
شعور يحمل الكثير من الحب والوفاء ...
لاهنتما
...........

منصور الوسوس

12-06-09, 05:22 PM

ترفع رفع الله قدر شاعرنا المبدع خلف الفريد