علي زيد الفريدي
04-04-09, 08:49 PM
ياخوي الموده فيه علم ودليله=جاك مني محمّل فوق كور المطيه
حلله حسب رايك والمعاني جزيله=وسّع الصدر وافهم والعلوم ابرحيه
ما نجاهر بسو ولانحب الهزيله=ولانعاتب ضعيف ولانحب الاذيه
والمصالف مخالف فيه غيره بديله=وان هرجنا هرجنا والضماير نقيه
والجمال الاصيله للحمول الثقيله=والجمال الهزيله مالها قابليه
جيت لك ياعميلي فوق ظهر الاصيله=في عتاب ومودّه وانت حلمك عليه
ان بغيت القصيره وان بغيت الطويله=ماتورّيت سوّه واحتسب للقضيه
واحد ماعرفته عقب ماقفا مديله=قام يزرع هراس بدرب راع العبيه
فيه رايي تغير عقب ماشفت ميله=له اسلوب مخالف له علوم خفيه
لانذمه بفعل ولانتعرض سبيله=يمكن انه مشبع بالظفر والحميه
قالوا انه كريم وله فعول جميله=ماشي في طريقه ما يحب الاذيه
لكن اللي سمعته مايناسب عميله=مثل ماهدى لغيري خصني في هديه
قل لمستور قل له قبل يلعب بذيله=السيوف معبيه والحقوق محميه
والسليمه سليمه والعليله عليله=والرجل من لسانه والرديه رديه
كل حرف يسجل فيه عندي مزيله=وعندنا للمحرّف فهم ميه بميه
وعيب مستور الاول زمرته في حصيله=والاوادم برايه كلبوها غبيه
وعيب مستور الآخر مايشيل بشليله=من شروخ يبيها للصخور القويه
ياخوي المحبه قل له يصون جيله=كلنا يابو بندر من عيال القريه
وختلاف المواهب واختلاف الفصيله=ماتسبب تخطي للرجال البريه
ذا كلامي وزندي عند خشم الفتيله=لكن اصبر وجامل والامور مغطيه
والمعادي قبالي والليالي طويله=جعل ابو زيد يجنح للعلوم الوفيه
ابحث العلم جدوطيب باحسن وسيله=قل لبو زيد يتبع ماومر به نبيه
لاتكلم بضعف ولاتحرث المليله=ياخوي بطبعه مايخلي خويه
والنهايه ياطيب علمنا في مشيله=احفظه وانت سالم مع قبول التحيه
=================
القصيد بشخص من خارج قبيلة حرب
بدر منه بعض التجاوز وله ابن عم صديق لي
واحببت توجيه انذار لهذا المتجاوز قبل تنفيذ
الاجراء الاكبر واسميته مستور حتى اعرف
موقفه وكان خطاه ليس موجه لي تحديدا لكن
الرجل ادرك واستدرك وطلب الصفح فسجلت
القصيده ضد مجهول.
حلله حسب رايك والمعاني جزيله=وسّع الصدر وافهم والعلوم ابرحيه
ما نجاهر بسو ولانحب الهزيله=ولانعاتب ضعيف ولانحب الاذيه
والمصالف مخالف فيه غيره بديله=وان هرجنا هرجنا والضماير نقيه
والجمال الاصيله للحمول الثقيله=والجمال الهزيله مالها قابليه
جيت لك ياعميلي فوق ظهر الاصيله=في عتاب ومودّه وانت حلمك عليه
ان بغيت القصيره وان بغيت الطويله=ماتورّيت سوّه واحتسب للقضيه
واحد ماعرفته عقب ماقفا مديله=قام يزرع هراس بدرب راع العبيه
فيه رايي تغير عقب ماشفت ميله=له اسلوب مخالف له علوم خفيه
لانذمه بفعل ولانتعرض سبيله=يمكن انه مشبع بالظفر والحميه
قالوا انه كريم وله فعول جميله=ماشي في طريقه ما يحب الاذيه
لكن اللي سمعته مايناسب عميله=مثل ماهدى لغيري خصني في هديه
قل لمستور قل له قبل يلعب بذيله=السيوف معبيه والحقوق محميه
والسليمه سليمه والعليله عليله=والرجل من لسانه والرديه رديه
كل حرف يسجل فيه عندي مزيله=وعندنا للمحرّف فهم ميه بميه
وعيب مستور الاول زمرته في حصيله=والاوادم برايه كلبوها غبيه
وعيب مستور الآخر مايشيل بشليله=من شروخ يبيها للصخور القويه
ياخوي المحبه قل له يصون جيله=كلنا يابو بندر من عيال القريه
وختلاف المواهب واختلاف الفصيله=ماتسبب تخطي للرجال البريه
ذا كلامي وزندي عند خشم الفتيله=لكن اصبر وجامل والامور مغطيه
والمعادي قبالي والليالي طويله=جعل ابو زيد يجنح للعلوم الوفيه
ابحث العلم جدوطيب باحسن وسيله=قل لبو زيد يتبع ماومر به نبيه
لاتكلم بضعف ولاتحرث المليله=ياخوي بطبعه مايخلي خويه
والنهايه ياطيب علمنا في مشيله=احفظه وانت سالم مع قبول التحيه
=================
القصيد بشخص من خارج قبيلة حرب
بدر منه بعض التجاوز وله ابن عم صديق لي
واحببت توجيه انذار لهذا المتجاوز قبل تنفيذ
الاجراء الاكبر واسميته مستور حتى اعرف
موقفه وكان خطاه ليس موجه لي تحديدا لكن
الرجل ادرك واستدرك وطلب الصفح فسجلت
القصيده ضد مجهول.