?> رد ثناء للرائد/ نواف ابن نومان .. [الأرشيف] - مجالس الفرده
المساعد الشخصي الرقمي

مشاهدة النسخة كاملة : رد ثناء للرائد/ نواف ابن نومان ..

سعد بن هذيل
26-03-09, 03:46 PM
بسم الله الرحمن الرحيم


السلام عليكم ورحمة الله وبركاته


يشرفني اهداء هذه القصيدة عبر منتدانا الكريم الى الرايد / نواف خصيوي بن نومان الفريدي صاحب الأيادي

البيضاء بالكرم والنخوة والمواقف المشرفه للحربي وغيره ..

اقــــــــــــول :




يامسوي الخــولان كــيف الشواريـــب = انتــــــاج صــنعاء للــمــولع غرامــي

بــريــة (ن) والعــود الأزرق لها طـيب =سقــها لنواف الخصــيوي لـزامــي

يستاهل ابو بـــدر عريب الـــمجــاذيب =من روس ربعي والخوال العمامي

هو تاج راسي عزوتي كاسب الطيب =حــراً شهر بالــجــو فــعله اقطامي

عــلــى المراجــل مــاكــره بالمراقيب =وفي ساعة النخوة وذكر الأسامي

نــــواف ياقـــف فـــي نهار الأصاعيـب =حلال صعبات المــواقف حـــزامــــي

أفخر وتفــخر لابـتـي والاجـــانـــيــــب =لـــيـــا حل ذكره بالمجالس وسامي

مرفـــوع قـــدره عــند عطر الأشانيب =بالطــيب والــنوماس ذكره ســنامي

تسلم يـمـينـك يـــا حصـــان الاطاليب =ياطــيـــب الســـيره وذرب الكـــلامي

لــولا الجـمــايــل ماكسبت الاصاحيب =وعليت صيتك فــي جــميــع الأنامي

صفحة ثناء تكتب على الصدر والجيب=والشــــكر والعــرفان لابن الكرامــي

( تنسيق : الشبل/ احمد بن سعد بن هذيل الفريدي )
ضيف الله بن علي
26-03-09, 03:55 PM
صح لسانك ابا فهد ويستاهل المدح وأنت أهل للمدح


مشكور على اضافة هذه الرائعة ومشكور على سقيا المجالس من معينك العذب .


تنسيق ولا اروع منه ايها الشبل :d
خلف الفريد
26-03-09, 04:03 PM
هلا ابو فهد

صح لسانك وعلا شانك
ويستاهل نواف المدح والثناء وهو المعروف عند ربعه بالعلوم الطيبه .....
ولاشك ان من يعمل المعروف لايعدم جوازيه ....
اشكرك على الوفاء لاهل الوفاء ...
.....
وتراك غلبتا بهذا التنسبق والحروف اللي تلامع
وللعلم هناك طريقة للتنسيق موضحة بالاعلى لاهنت
.............
علي الجضعان
26-03-09, 08:00 PM
يستاهل النقيب / نواف الفريدي والطيب طيبه لربعه يرفع اسم ربعه

عند الاجناب بالفعل الغانم وابن نومان علم على راسه نار

وانت ياابا فهد صح السانك بيض الله وجهك على الثنا لبن عمك


وهاذي عوايدك
ولد الذيب
26-03-09, 08:14 PM
صح لسانك
ويستاهل ابو بدر
والرجال مترقي برتبه رائد له سنتين الان
ويستاهلها
ذيبان
26-03-09, 10:03 PM
يستاهل ابن نومان ,,,

صح لسانك ابو فهد

والشكر موصول لبناخيي الشبل احمد سعد بن هذيل ,,, سلمت يمناك يا الفريدي
سعد بن هذيل
26-03-09, 10:24 PM
ابو مـــــــــــــــــاجد بارك الله فيك وشكر لاهنت
منصور الوسوس
26-03-09, 10:34 PM
ابو فهد
صح لسانك ودامت ايامك
تعودنا منك الوفاء وحسن الثناء لمن يستاهله
هكذا انت دائما تتواجد لتبدع
يستاهل نواف تلك الكلمات النابعة من القلب الابيض
ونقول له شكرا لك دائما تبيض وجيه ربعك فلا يحل
لك طاري الا وتذكر بخير وحملت اسم القبيلة
فنعم الرجل الامين الذي شهر اسم ربعه
بكل علم غانم فدمت لنا
شكرا لك ابو فهد ودمت لنا ذخرا
تقبل اجمل تحية لشخصك الكريم
سعد بن هذيل
26-03-09, 10:38 PM
الا خـــــــــــــــوه الاعـــــــــــــــــــــ زاء خــــلف الفريد والجــــــــــــار البناخي علـــــــــــــــــــي الجضعا ن و ولــــــــــــد الذيب وابو راكــــــــــــــــــــــ ـــان ؟؟؟ تســــــــــــــلمون على مشــــــــــــــاعـــــــ ــــــركم الــطـــيـــبـــه ولــكــم مـنـي الشكر والثناء مع التنويه والاعتذار على الخطأ في مسمى الرتبه وأقول لولد الذيب الله يذكرك الشهاده علماً ان القصيده قلتها قبل 5 سنوات عندما كان نواف نقيب ...










كما نهديكم الشكر نيابة عن الشبل على الردود الرائعه
سعد بن هذيل
26-03-09, 11:05 PM
اهلاً وسهلاً ومرحبا مليووووووون بـــالـــتــرلـــيــووووو ون بالأخ الصادق الوافي ..


مشكوووووووووووووووووووووو وووووووور عــلــى شـعــوووووووووووورك ...
حويان بن مرزوق
27-03-09, 01:39 AM
صح لسانك ابو فهد وعلا شانك


ويستاهل نواف المدح وكل خير


ودمت بحفظ الله
نوااف االدغيشمي
27-03-09, 10:21 AM
صح لسانك يابو فهد على هذة القصيدة الجزلة والله يعطيك العافية

ويستأهل أبو بدر المدح والثناء هذا رجل علومة طيبة وأنا اعرفه معرفة جيدة

الرجل صاحب مواقف طيبة ولاهي غريبة على عيال راشد الفزعات




تقبل تحياتي
أبو وسيم
27-03-09, 02:00 PM
صح لسانك ابو فهد على هذه القصيدة

ويستاهل الممدوح هذا المدح وهو معروف بفزعاته

والله يعطيك العافية على القصيدة

وتقبل تحياتي
ناصر بن راكب
27-03-09, 02:50 PM
ابو فهد

صح لسانك

وعلا شانك

والنعم بالمادح والممدوح
محسن الفريدي
28-03-09, 12:03 AM
صح لسانك ابو فهد ولاشك ان الممدوح يستاهل وهو راعي الوقفات مع جماعتة ولاهي غريبة على مثلة

ابو بدر يستاهل الطيب

محسن الفريدي
سعد بن هذيل
28-03-09, 12:38 AM
السلام عليكم ورحمة الله وبركاته
بارك الله بكم ,و شكرالله سعيكم اخواني الكرام حويا ونواف ومزعل وناصرابن ركب ومحسن الفريد؟؟؟؟ لي شرف عظيم في مروركم واطلاعكم ويا جب اكتب لكل واحد صفحه شكر لكن سمحولي السن له دور ؟؟
مقبل بن نمران
29-03-09, 07:48 AM
.

صح لسانك يابو فهد وسلمت ودمت

ويستاهل الشهم القدير نواف بن خصيوي
راعي فزعة وعلم غانم

ولاهنت يابو فهد على وفاك

.
سعد بن هذيل
30-03-09, 12:02 AM
بارك الله بك , شكراً أخي الكريم ابو باسل على مــــرورك وشـــعورك
منصور الوسوس
15-09-10, 03:02 AM
ترفع
مع وافر التقدير والاحترام للشاعر ابو فهد
ويستاهل نواف المدح
الجديد
15-09-10, 11:53 AM
صح لســانك يأبــوفــهــد
يســتاهل . ونعم القاصد والمقصود
تقبل مروري .. أبــوفايز
ابن رضيمان
15-09-10, 01:03 PM
سعد بن هذيل
صح لسانك
وبيض الله وجهك في مدح علم من أعلام الفرده في الوقت الحاضر
قصيده جزله بكل ماتحمله الكلمه من معاني من اول بيت حتى اخر بيت
ابدعت في نظم هذه العظيمه

تحياتي لذاتك
ابن وسيمه
22-09-10, 04:44 AM
صح الله لسانك وماقصرت
يستاهل ابو بدر وهو كاسب الطيب