?> لو المطر منكم منعتم صبوبه [الأرشيف] - مجالس الفرده
المساعد الشخصي الرقمي

مشاهدة النسخة كاملة : لو المطر منكم منعتم صبوبه

ذيبان
12-02-09, 03:00 PM
ما أشبة اليوم بالامس !!!

كلمات القصيدة الشهيرة

للأمير «خالد الفيصل»

http://alfredah.org/up/uploads/a61a43ed47.jpg (http://alfredah.org/up/)

والذي يقول فيها:


حنّا العرب يا مدعين العروبه= وحنّا هل التوحيد وانتم له اجناب

وحنّا شروق المجد وانتم غروبه= وحنّا هل التاريخ وأنتم به أغراب

يوم الفقر شلتوا علينا عيوبه= واليوم عقب النفط جيتوا لنا أنساب

ويوم الفقر فينا البداوه سبوبه= واليوم صرتوا مثلنا بدو.. واعراب

لو الهوى منكم منعتم هبوبه= لا شك رزاق الملا رب الأرباب

ولو المطر منكم منعتم صبوبه= لا شك رزق الخلق من عند وهاب

جيش الحسد سقتوا علينا حروبه= كلٍ يبي يزرع على جسمنا ناب

حربٍ على المحسن تراها عقوبه= يالله عساكم ما تفيدون حراب

ياما عطينا ما ندوّر مثوبه= الا من اللي من ترجاه ما خاب

وياما نصرنا صاحبٍ ضيقوا به= عاداتنا نقدم الى ما الردي هاب

وياما نصانا من تعثّر دروبه= يدخل حمانا من تعذرها الأصحاب

حنّا بنينا دارنا من طيوبه= وانتم سلبتوا داركم كل ما طاب

الله سقانا من بحرنا عذوبه= وأَنهاركم مثل البحر هدر تنساب

حنّا زرعنا الحب بأَرضٍ خصوبه = وأنتم زرعتوا كره الأجيال بتراب

وحنّا دعينا السلم نوبه ونوبه= وانتم حمام السلم بعتوه بغراب

يا من دعا للحرب ما ادراك خطوبه= لا تحسب أن الحرب تهديد وخطاب

من شبّ نار الحرب يصلى شبوبه= ومن ثوّر الفتنة تعرض للأسباب

ما يستر الرجّال ملبوس ثوبه= الدين وافعال الكرامة له ثياب
f15
12-02-09, 05:12 PM
قصيدة روووووووووووووووووووووووو عة ابي اختار بيوت منها ماقدرت كلها

مترابطة مع بعض
الف شكر ابوراكان على النقل الرائع

وخالد الفيصل شاعر يكتب بحساسه
ناصر بن راكب
13-02-09, 09:06 PM
صح لسان الشاعر /


صاحب السمو الملكي

الأمير خالد الفيصل


ويعطيك العافيه ابو راكان على هذا الإختيار
أبو وسيم
14-02-09, 05:52 AM
صح لسان الشاعر الكبير الامير خالد الفيصل

ومشكور ابو راكان على الاختيار الرائع

ولك تحياتي
منصور الوسوس
20-02-09, 02:10 AM
شكرا ابو راكان على هذه القصيدة الرائعة
للشاعر مهندس الكلمة خالد الفيصل
اباراكان شكرا لابداعك وحسن اختيارك
تقبل اجمل تحية
قرناس
12-05-09, 02:57 PM
صح لسان

الأمير الشـــاعر خالد الفيصل
ومشكور

على


النقــــــل
ابـن مـطـيـع
06-06-10, 09:48 PM
أعجاااابي في المشاركه الرائعه
وهي من مشاركات مشرف تاريخنا ومراقبنا العام الأخ ذيبان
ترفع ......
عايض المقطع
06-06-10, 10:05 PM
صح لسان

الأمير الشـــاعر خالد الفيصل
ومشكوووور يابوراكان على الاضافه.