?> قصيدة البدر في رثاء والدته [الأرشيف] - مجالس الفرده
المساعد الشخصي الرقمي

مشاهدة النسخة كاملة : قصيدة البدر في رثاء والدته

بدر الميسوي
09-01-09, 11:53 PM
قصيدة البدر في رثاء والدته الأميرة وضحى الحمود الرشيد - رحمها االله



طيري عصافير السحر عن هدبها =عينٍ تخم النور .. من قلة النور
كود الظلام اللي علق في عصبها =وعروقها تبكيه حسرات وغرور
الله .. مااثقل جفنها وإن جذبها =برقٍ لمحت فـ ضيه اكفان وقبور
على الدروب اللي عشقنا تعبها =لين اقفرت من كل حيٍ ومعمور
كنه يلج بوسط سمعي صخبها =أو هو بكا .. ريحٍ على صدر ديجور
طيري عصافير الهوى اللي شربها =غدير .. واسقاها من أوهامه بحور
يكفي عن أحلام الحياة وطربها =لو ساعةٍ ببكي على ساعة قصور
أصيح شمسٍ ما تمن بذهبها =تنثره قلبٍ صادق .. ودافي شعور
والا النهار اللي عيوني حربها =اقبالته لحظه.. وغيباته دهور
أصيح عسبان الحياة ورطبها =أو حبها اللي توَّه اليوم مبذور
والا الضلوع اللي حنيني كتبها =شعرٍٍ قراه الصبح غامض ومكسور
اصيح من باصيح واغلى عربها =شدوا زمان الشوك باعشاب وزهور
يا حيف وضحى نور عيني جنبها =وخذت غياب الشمس من مرتع الزور
وخذت وعقرت مهرتي في طلبها =وقفت .. ودمعي في محاجره .. مذعور
ما غير أناظرها ويصغر لهبها =لين إنطفت ناديت يا سعود ماجور
خذها الذي من فيض جوده وهبها =يوم لنا رحمة.. وظل .. وذرى سور
ياعلها عنده بعالي رتبها =عند الذي نزه مقامه عن الجور
وطيري عصافير السحر عن هدبها عينٍ تخم النور .. من قلةالنور

ا
ذيبان
10-01-09, 12:17 AM
خذها الذي من فيض جوده وهبها = يوم لنا رحمة.. وظل .. وذرى سور

الله يجبر عزاه وصح لسانه

وسلمت يمناك يا صغير
بدر الميسوي
10-01-09, 02:31 PM
مشكور ياذيبان تشرفة ابمرورك
أبو وسيم
10-01-09, 02:52 PM
صح لسان الشاعر وسلمت يدي الناقل

ومشكور ياصغير

ولك تحياتي
بدر الميسوي
13-01-09, 06:59 PM
صح لسان الشاعر وسلمت يدي الناقل

ومشكور ياصغير

ولك تحياتي

مشكور على المرور اخوي
ناصر بن راكب
13-01-09, 07:15 PM
يعطيك العافيه على هذا الإختيار


وعذراً على التعديل

لاهنت
f15
14-01-09, 06:35 PM
يعطيك العافيه على هذا الإختيار


وعذراً على التعديل

لاهنت
مشكور اخوي تنسيق رايع مشكور اخوي خطير على النقل
قرناس
12-05-09, 02:03 PM
صح لسان


الشـــاعر ومشكور

على


النقــــــل